উপকাৰীক অজগৰে খায় | ফকৰা যোজনা

উপকাৰীক অজগৰে খায়ঃ অজগৰ মহা শক্তিশালী আৰু ভযংকৰ সাপ। ই অকল মানুহৰে নহয়, অন্যান্য জীৱ-জন্তুৰো শত্রু। ই চলত পালে কাকো শুদাই নেৰে। বিপদত পৰা দেখি ইয়াক যদি ৰক্ষাও কৰা হয়, বা শুকাই ক্ষীণাই যোৱা দেখি গাখীৰো খুওৱা হয়, তথাপিও সি মানুহৰ উপকাৰৰ কথা ভাবি মানুহক দংশন/আক্ৰমন নকৰাকৈ নাথাক। শত্রু সদায় শত্রুৱেই আৰু অজগৰে মানুইক দংশন/আক্ৰমন কৰাটো স্বভাৱজাত কথা।

সেইদৰে দুষ্ট লোকেও উপকাৰীৰ উপকাৰ কথা চিন্তা নকৰি, সদায় অপকাৰ কৰিবলৈ চেলু বিচাৰি ফুৰে। এতেকে উপকাৰীৰ উপকাৰৰ শলাগ নোলোৱা অকৃতজ্ঞসকলৰ পৰা সদায় সাবধানে থকা উচিত।